بليز 00 بلاش ازعل انا زعلي عاطل كثير 00

بليز 00 بلاش ازعل انا زعلي عاطل كثير

مابدهاش الشغله ولدنه

وما بدهاش هزاكتاف

اللي مابيعرف الصقر بيشويه

واذا امريكا كل ماطق الكوز بالجره

بدها اطله اساطيل

هيك تخنوها اكثير اكثر من اللازم واحنا ما اظن نقدر نسكت اكثر انا بقصد عن حالى


لانه الكل مشغول بالمسلسلات الله يعين النسوان

طول المسلسل تف تفه 0 بزر ونف نفه من العياط على البطله اتجوز عليها جوزها

والبطل حلو 00 اخ لو انها عرفته قبل ما تتجوز كان عرفت تطعجه


المهم الشغله انا مش قادر اسكت 00

بس انا ساكت بمزاج

وانا بحذر العالم 00 اذا هم عندهم اساطيل 00 ما ينسوا انه احنا برضه عنا مساطيل

واذا عندهم غواصات 0 مايفكروا حالهم 00 احنا عنا للنوم نواصات يابانيه

وبعدين عنا لغوصات بالحكي ماتفكر حالها امريكا متقدمه عنا فشرت عينها

وانا بحذرهم 00

واحنا كمان عنا والحمد لله حاقدين 00 اوف يا هملالي 00 وحاسدين الله اكبر 0 الواحد بطقعك عين بجيبك بالقبر بدون فيزا وخليهم يحزنون

ويعني واحد عيونه زرق واسنانه فرق ان فعط طيراتكم عين 0 والله لتصير مثل الجراده نازله على بوزها بس احنا ما بنعملها احنا بنحسد بعض فقط

وامريكا لابسه خرزه زرقاء 0 ما بيقطع فيها العين والحسد 00

وجيبوا كوندليزا رايز لحالها ابتقطع الخميره من افران العرب كلهم 0

وبتنشف الابار 0 والزيت بالجرار 0

وبعدين انا بطلت ازعل منكم لانكم قاعدين بالبحر 0 بتشموا الهوا لانه الهوى عنا بالشرق الاوسط غربي بيرد الروح 0

اهلين فيكم 0 بس بليز لاترموا علب البيره على الشط 0 تبعنا لانه مش ناقصنا الزباله 0

احنا مش منظفين شوارعنا 0 هه بليز 0 بوش افندي 00 على بوش نمره 45 اتذكرت كندره الصحفي
اللي طقعت على بوزه
ويمكن استحى يرجع للشرق الاوسط بعث الاسطول يلم الكنادر من العالم العربي 0

ههههه هيك انا حللت الموقف وناموا واستريحو ولا يهمكم